道路規矩之 紅綠燈

        「紅綠燈」的使用表面係容易到極，但係當你實際使用時就並不簡單甚至相當危險，打方向燈嘅意思係我想要改變方向，而唔係「我正在改變方向」。

 

       

            

                                   紅綠燈

       根據政府派發之『道路交通使用者守則』 紅綠燈的使用簡直係易到極，但係當你實際使用時就並不簡單甚至相當危險，最危險係「雙向綠燈」或「綠得耐的綠燈」。

            1 .  綠燈：   並不一定可以行車，因為綠燈有分為【單向綠燈】及【雙向綠燈】及【紅燈綠箭咀】。

            2 .  單向綠燈：   係最安全的交通燈，因為祇有你一個人玩所以最安全。

            3 .  雙向綠燈： 是最險的燈，「綠燈」亮着時你正在右轉時，而對向車輛同樣也是「綠燈」，而他正在風馳電制向着你車身駛過來你話後果會點，可能會發生災難性的後果。

            4 .  紅燈綠箭咀：〔最容易出錯時間係「綠箭咀」剛剛熄燈而轉為「綠燈〕，綠箭咀係代表剛才的綠箭咀方向之車輛可以繼續正常行駛，「綠燈」也表示車輛可以前往任何方向行駛， 〔 如果剛才的綠箭咀方向之車輛「突然急劇停車」〕 而後面車輛認為「綠燈」所以瘋狂向你車尾追撞，後果當然係災難性事故。

             5.  綠燈：上面咁多指示車輛的交通燈，究竟你又認識幾多：跟據最高指示，交通燈號當然係要絕對遵守；但係亦有另一文明規定，當汽車一旦駛離停車線，便應小心繼續前駛，再母須理會剛才的交通燈號。

             6 .  最難搞的燈就係己經綠得耐的綠燈：而突然轉燈的時刻，係最難應付的時刻，最普通應付方法是【強行停車】，你別已為僥幸可以停車就「阿彌陀佛」，不幸的就是後面的「車神」以為你繼續去車，佢正在加速向你車尾追貼而來，你話後果會點，同樣也可能發生災難性事故。

           7 . 綠得耐的綠燈：大多數駕駛者心態都是【強行去車】買大唔買細，瘋狂加速過燈；但係後面〔捉衝燈〕的攝影機已經影咗你「衝紅燈」，一樣係會「失敗」。

           8 . 嘅然知道隨時會轉燈：不如提早「將車速拖慢」，方使隨時煞車，但係緊隨你而來的「車神」啄住啄住你車尾，嚮住「長喇吧！」認為你係「色盲」阻住佢發財，一樣係會「失敗」。

           9 . 根據高級駕駛或運輸署最高指示應付瓣法：凡係通過〔已經綠得耐的交通燈〕 應該距離紅綠燈約100尺之前﹙即係一絛燈柱的距離﹚，應該收少許油或收晒油，維持定速，《即係維持表面嘅車速》，當接近或距離弍個車位左右前面突然轉「紅燈」，問題就是怎樣决定是否去車。

             當你〔收少許油或收晒油維持《定速》的時間〕，你自然有足夠時間判斷〔是否去車或停車〕；如果後面追尾而上的車係接近你或來勢兇猛者，你一定要加速去車，否則可能會發生災難性後果。如果後面係無車輛跟隨你或距離遠者，應該即刻採取『煞車』不要養成食得落唔好徒的習慣。

-------------------------------------

                  試場範圍內「紅綠燈」使用基本認知

     1 .  首先要知到「邊盞交通燈/邊盞公仔燈」行完到我。 我盞「綠燈」大約可以行幾多架車。我究景排「第幾位」，是否可以通過。 必須掌握上述資料，方會減低衝燈或其他尷尬場面。

   2 . 當你正在行駛中見到前面己經紅咗好耐的紅燈，最好稍為减速轉番二波方可駛過，方便應付突然轉綠燈時可以随時繼續行駛。

    3 . 當你正在行駛中見到前面己經綠咗好耐的「綠色交道燈」，應該收少許油或收晒油，維持《定速》，爭取自已有足夠時間判斷前面突然轉變為「紅燈」，最大問題就是怎樣决定是否去車。以上資料究景你知幾多，做到幾多? 正如寒天飲水冷暖自知。

 

                          紅綠燈反應遲鈍是會直接「肥佬」 

       事發於某月，某日，某君，在駕駛考試中由於前面正在紅燈，所以停車等候， 當綠燈己亮著二三秒該考生仍然未有作出反應，於是考牌官提示他開車，該考生己為遇到一位「黃大仙」考牌官；一味唔該，一味THINK YOU， 到派成續表時，結局係雞乸咁大個字寫住不依交通標誌行車。 意思與〔衝紅燈〕同罪，所以即刻「肥佬」。

-----------------------------------

關於燈號

打指揮燈嘅意思係我想要改變方向，而唔係我正在改變方向。 所以喺變道前两三秒提前打方向燈。許多人都錯誤地，邊扭軑擷線，邊打指揮燈。

從燈號得知的預見力

當高速行駛在行車道上，想變道去超車道時，如果此時後方有車正在超車道上，而你打開轉向燈，對方對你閃了一下大燈（注意不是狂閃），意思是他會減速讓你完成變道，此時你就可以放心大膽地變道了。 記得變道完成之後舉手畀翻５蚊表示謝意。相反遇到前方有車想要變道時，你都應該咁做。

當你正常行駛，如果對方車輛用大燈閃你，大多數係提示你前方有事故，或者提示你前面警察正在影相捉快車之類。 相同嘅睇到對方車道有事故嘅時候不妨在經過之後用大燈提示對方車輛。

如果有車卡在你前面，不停踩剎車或者閃雙向壞車燈，有可能提示你車上的有個車燈壞了或者提示似忘了開「車頭燈」之類。

睇到前面有車走位飄忽，要離佢遠啲。 同樣如果有車煞掣好猛，跟車嘅時候都要遠啲。城市化與消費主義把經濟搞活了，但同時也把人心改變了，過去傳統社會倫理價值觀在不知不覺間溜走了。

以上是個人行走江湖之經驗，對與錯，還是以你自己分析為準 

----------------------------------                           

                                                響 號  

       何時使用「喇叭！」響號，交通例並無文明規定，但在某種情況下，駕駛者雖然作好一齊預防措施，仍然可能發生危險，則應該響號。例如：

         1 .     前車溜後。

         2 .     接近危險障礙物，轉彎時視線受阻可能有對頭車迎面而來。

         3 .     對不穩定之行人，單車或馬路上遊戲之小童。

         4 .     突然性之緊急煞車。響號目的是使前後車輛提高注意力。

         訊號：駕駛者所發出之訊號，祗不過是〔通知或警告性質，而絕非命令訊號〕，因此發出訊號後，仍須確保情況絕對安全，方可進行該項操作。普通路人或駕駛者所發之「通行訊號」不一定可靠。但是如果有人發出「停車」訊號時，則不管他是誰，亦須留意，前面可能發生交通失。

-----------------------------------

        看來「紅綠燈」的使用簡直係易到極，但係當你實際使用時就並不簡單甚至相當危險，最危險係「雙向綠燈」或「綠得耐的綠燈」
  

                                         紅綠燈參考圖

                                  

                        

                                資深駕駛教師        Masterlo