2014年11月15日星期六

道路觀察中之 轉換行車線之熱門錯處


道路觀察
轉換行車線熱門錯處

 ☆ ☆ ☆ ☆ ☆ ☆ ☆ ☆




    
             轉換行車線熱門錯處 : 沒有擰轉頭睇交通情況(即係沒有做明星,交足功課),超越時因前距或橫距不足,或車速不合理而引至接近物體,急劇扭軑,甚至另考官踏迫力而「肥佬」

                                        
        考官玩弄權力/用盡權力: 考試如果你不幸遇到一位要求極高的考牌官俗稱「串佬」;只要你交足功課,技術達到80/90分一樣會及格俾車牌你,如果唔夠料只怪自己衰學藝不精。




        如果遇到一位喜歡玩弄權力或者用盡權力的考官,江湖上稱之為「賤官」者,你考「路試」擷線唔回頭望當然會「肥佬」,但係你望多幾次又話你扮嘢一樣要「肥佬」。更離譜都有,考「中期試」掉頭,泊位,斜路開車全部 ok 一樣會「肥佬」,有時明知係「茄喱菲」又會及格。意氣風發,弄權瀆職,鍾意玩嘢。任何你叻到試揸飛機也一樣會「肥佬」。


        因為「老細」俾咗把上方寶劍,只要佢唔係貪污你實在無辦法,如果你向上頭投訢,得值機會率低過「六合彩」,因為官官相衛,話你証據不足結局又得個「玩」字。 如果時運底遇着佢,真係衹可嘆一聲「無奈」,懐才不遇,天命難違。最不幸的就係每個朝代都總係有三幾位呢種「賤人」 ,祝你好運



                                       做明星 / 交足功課

        數之不盡的英雄好漢就係衰在呢一剔沒有《回頭望》;你雖然有回頭望,但係佢話你睇的度數唔夠大,睇的次數唔夠多「回頭望的標準度數不能小過90度」。你需然有睇但係考牌官正在睇風景而睇唔見你,也一樣被剔而「肥佬」。真係衹可嘆一聲無奈;


        另一類:當你集中精神觀察倒後鏡和側鏡, 正在溜前鬥後尋找機會扒頭時而忘記《做明星/即係沒有回頭望右》而引至「肥佬」。當你完成扒頭之後再切入的動作,往往會大意,忘記〔再咭翻入去的程序而沒有望〈左〉而引至「肥佬」。解决辨法唯有執生。


        如果正式兩條行車線,你想咭左線或咭右線,你會小心翼翼做足一百分, 但係條半行車線之偏左或偏右小小, 而忘記〈回頭望/做足明星〉 而引至「失敗」者,也是極普遍的錯誤現象。


        解决辨法唯有執生。你的駕駛姿勢,有時需要,左傾小小,右傾小小或半前傾,目的為着睇早D或多D暸解前面交通情况; 特別在郊外和彎曲的道路上駕駛,應該盡可能把視線放到遠處,這樣就能夠及早發現障礙物和彎角  ,應該注意週圍情况,不要忽視任何細微的變化


        考試要求你决定扒頭直至完成扒頭都要重覆跳動去睇, 究竟你睇得到,還是睇唔到,他一概不理俗稱「做明星」。解决辦法唯有回頭望多幾次右。





             轉換行車線熱門錯之主要原因是沒有 做明星 / 交足功課 而「肥佬」 因前距或橫距不足及超越時之車速不合理而引至接近物體或急劇扭軑而「肥佬」。


                         沒有做明星 / 交足功課而「肥佬」

























    安全格言:當你扒頭或咭綫前如有懷疑一定要《忍》如果為了快幾秒時間而不惜用血肉去博取。如果為了出風頭而扒頭。如果為着趕時間而做時鐘的奴隸。你認為值得嗎?  萬一意外發生時唯有寄望上帝耶蘇保佑,不要傷及無辜者或奪取了無辜者的生命,記住 『小不忍則亂大謀』。


  
                                                     masterlo


沒有留言:

發佈留言